‘ໂດນັນ ທ້ຳ’ ຖະແລງຕຽມສົ່ງທະຫານຄຸມຄວາມວຸ້ນວາຍ 💂 ‘ການປະທ້ວງໃນສະຫາລັດ’

112
‘ໂດນັນ ທ້ຳ’ ຖະແລງຕຽມສົ່ງທະຫານຄຸມຈະລາຈົນ ‘ປະທ້ວງໃນສະຫາລັດ’
‘ໂດນັນ ທ້ຳ’ ຖະແລງຕຽມສົ່ງທະຫານຄຸມຄວາມວຸ້ນວາຍ 💂 ‘ການປະທ້ວງໃນສະຫາລັດ’

ປະເດັນຫຼັກ

  • ໃນ​ສະຫາລັດ​ ເກີດ​ເຫດ​ປະ​ທ້ວງ​ໃນ​ຫຼາຍ​ເມືອງ​ ຈາກ​ກໍລະນີ​ການ​ເສຍຊີວິດ​ຂອງ​ ຈ໊ອດ​ ຟ​ອຍ​ ຊາວ​ຜິວ​ສີ​ ທີ່​ຖືກ​ຕຳ​ຫຼວດ​ຈັບ​ກຸມ​ ແລະ ​ໃຊ້​ເຂົ່າ​ກົດ​ຄໍຈົນ​ເສຍຊີວິດ​
  • ລ່າ​ສຸດ​ໃນ​ຫຼາຍ​ໆ​ເມືອງ​ໄດ້​ມີ​ການ​ປະ​ກາດ​ໃຊ້​ເຄີ​​ຟິວ​
  • ທາງ​ດ້ານ​ ປະ​ທາ​ນາ​ທິບໍ​ດີ​ຂອງ​ສ​ະຫາລັດ​ ຖະແລງ​ທີ່​ທຳນຽບ​ຂາວ​ຕຽມ​ສົ່ງ​ກຳ​ລັງ​ທະຫານ​ເຂົ້າ​ຄວບ​ຄຸມ​ສະຖານນະການ​ ຫາກ​ເຫດການ​ຮຸນແຮງ​ຂຶ້ນ​
ໂດນັນ ທ້ຳ ປະທານາທິບໍດີຂອງສະຫາລັດ ຖະແລງທີ່ທຳນຽບຂາວເມື່ອວັນຈັນ (1 ມີນາ) ຕາມເວລາທ້ອງຖິ່ນວ່າ ເຂົາຈະສັ່ງໃຫ້ກອງກຳລັງທະຫານສະຫາລັດພ້ອມອາວຸດໜັກເຂົ້າຈັດການທັນທີ ຫາກລັດ ແລະ ເມືອງຕ່າງໆ ລົ້ມເຫຼວໃນການຄວບຄຸມການປະທ້ວງບໍ່ໃຫ້ບານປາຍ

ຜູ້ນຳສະຫາລັດຢ້ຳວ່າ ເຈົ້າເມືອງ ແລະ ເຈົ້າແຂວງຕ້ອງເຮັດຫນ້າທີ່ຢ່າງໜັກຈົນກວ່າເຫດການຮຸນແຮງນີ້ຈະຢູ່ໃນການຄວບຄຸມ ຫາກເມືອງ ຫຼື ລັດໃດປະຕິເສດທີ່ຈະດຳເນີນມາດຕະການທີ່ຈຳເປັນຕໍ່ການປົກປ້ອງຊີວິດ ແລະ ຊັບສິນຂອງປະຊາຊົນ ທ່ານຈະສັ່ງລະດົມກອງທັບສະຫາລັດເຂົ້າປະຈຳການໃນພື້ນທີ່ ແລະ ແກ້ບັນຫານີ້ຢ່າງວ່ອງໄວແທນພວກທ່ານເອງ

“ຢ່າງທີ່ບອກໄປ ຂ້ອຍຕຽມກຳລັງທະຫານ ແລະ ຕຳຫຼວດຊຸດຕິດອາວຸດໜັກຈຳນວນຫຼາຍພັນຄົນ ເພື່ອຍັບຍັ້ງຄວາມວຸ້ນວາຍ ປຸ້ນສະດົມ ທຳລາຍຊັບສິນ ແລະ ສ້າງຄວາມເສຍຫາຍແກ່ອາຄານຢ່າງປ່າເຖື່ອນ”

ຂະນະທີ່ເຈົ້າແຂວງໆນິວຢອກ ແລະ ເຈົ້າເມືອງນິວຢອກ ໄດ້ອອກຖະແລງຮ່ວມກັນປະກາດເຄີຟິວຕັ້ງແຕ່ເວລາ 23.00 ໂມງ.ຂອງວັນທີ 1 ມີນາ 2020 ຕາມເວລາສະຫາລັດ ໄປຈົນເຖິງເວລາ 05.00 ໂມງ. ຂອງວັນທີ 2 ມີນາ 2020 ຕາມເວລາສະຫາລັດ (16.00 ໂມງ.ຂອງວັນພຸດທີ່ 3 ມີນາ 2020 ຕາມເວລາລາວ)

ຖະແລງການລະບຸວ່າການປະກາດເຄີຟິວເພື່ອຄວບຄຸມສະຖານນະການຮຸນແຮງທີ່ເກີດຈາກການປະທ້ວງ ຫຼັງຈາກປະຊາຊົນຈຳນວນຫຼາຍໄດ້ອອກມາຮຽກຮ້ອງຄວາມເປັນທຳໃຫ້ກັບທ້າວ ຈ໊ອດ ຟອຍ ຊາວຜິວສີທີ່ຖືກຕຳຫຼວດໃຊ້ເຂົ່າກົດຄອດນຂາດອາກາດຫາຍໃຈ ແລະ ເສຍຊີວິດ

ນອກຈາກນີ້ ກົມຕຳຫຼວດເມືອງນິວຢອກຈະເພີ່ມກຳລັງເຈົ້າຫນ້າທີ່ຕຳຫຼວດເປັນສອງເທົ່າໃນ 5 ເຂດຂອງເມືອງນິວຢອກ ເພື່ອປ້ອງກັນສະຖານະການຮຸນແຮງ ແລະ ຄວາມເສຍຫາຍຂອງຊັບສິນທີ່ເກິດຂື້ນໃນລະຫວ່າງການປະທ້ວງ