ນັກເຕະເກົາຫຼີໃຕ້ເຜຍ "ເຕະບານກັບເກົາຫຼີເໜືອບໍ່ຕ່າງຈາກເຮັດສົງຄາມ!"

128
นักเตะเกาหลีใต้เผย "เกมฟุตบอลกับเกาหลีเหนือไม่ต่างจากสงคราม!"
c932a8e6 1fbd 444a 81af 392f1c464f39 w1200 r1

ນັກເຕະເກົາຫຼີໃຕ້ເຜຍ "ເຕະບານກັບເກົາຫຼີເໜືອບໍ່ຕ່າງຈາກເຮັດສົງຄາມ!"

ທີມນັກເຕະເກົາຫຼີໃຕ້ກ່າວເຖິງການແຂ່ງຂັນກັບທີມຊາດເກົາຫຼີເໜືອ ໃນຮອບຄັດເລືອກບານໂລກ ໂຊນເອເຊຍ ທີ່ປຽງຢາງ ໃນວັນອັງຄານທີ່ຜ່ານມາວ່າ ເປັນການແຂ່ງຂັນທີ່ຮຸນແຮງພາຍໃຕ້ສະພາບແວດລ້ອມທີ່ແປກປະຫຼາດ ແລະ ອາດລາຍງານເລື່ອງນີ້ຕໍ່ສະມາພັນບານເຕະໂລກ ຫຼື ຟີຟ່າ

ແມັດປະຫວັດສາດນີ້ນັບເປັນການແຂ່ງຂັນຢ່າງເປັນທາງການເທື່ອແລກຂອງທັງສອງເກົາຫຼີທີ່ຈັດແຂ່ງໃນເກົາຫຼີເໜືອ ໂດຍກ່ອນໜ້ານີ້ທັງສອງປະເທດເຄີຍແຂ່ງນັດກຣະຊັບມິດທີ່ ປຽງຢາງ ມາແລ້ວເມື່ອປີ ຄ.ສ. 1990

ຜົນການແຂ່ງຂັນຈົບລົງໂດຍສະເໝີກັນແບບບໍ່ມີປະຕູ 0-0 ໂດຍແຂ່ງກັນທີ່ສະນາມ ຄິມ ອິນ ຊຸງ ຄວາມຈຸ 50,000 ບ່ອນນັ່ງ ແຕ່ກັບບໍ່ມີການເຂົ້າເບິ່ງ ແລະ ບໍ່ມີການຖ່າຍທອດສົດ

ຊົນ ເຮືອງ ມິນ ນັກເຕະເກົາຫຼີໃຕ້ ເວົ້າກັບນັກຂ່າວເປັນເທື່ອທຳອິດຫຼັງຈາກເດິນທາງກັບເຖິງ Soul ໃນວັນພະຫັດວ່າ “ເກົາຫຼີເໜືອຫຼິ້ນຮຸນແຮງ ແລະ ມີການໃຊ້ວາຈາທີ່ກ້າວລ້າວດ່າກັນໄປມາ” ແລະວ່າ “ຍາກທີ່ຈະເນັ້ນສະມາທິໄປກັບການແຂ່ງຂັນ ເພາະຕ້ອງຄິດຢູ່ສະເໝີວ່າຈະຫຼີກລ້ຽງບໍ່ໃຫ້ບາດເຈັບຢ່າງໃດ… ຖືເປັນຄວາມສຳເລັດທີ່ເຮົາກັບອອກມາຈາກບ່ອນນັ້ນໂດຍທີ່ບໍ່ບຸບສະລາຍ”

ສູນໜ້າເກົາຫຼີໃຕ້ຜູ້ຫຼິ້ນຢູ່ກັບສະໂມສອນ ທັອດແນມ ຮັອດສເປີຣ໌ ໃນອັງກິດ ເວົ້າອີກວ່າ “ທັງຜູ້ຫຼິ້ນ ແລະ ເຈົ້າຫນ້າທີ່ທີມເກົາຫຼີໃຕ້ຕ່າງມີຊ່ວງເວລາທີ່ຍາກລຳບາກ”

ດ້ານຜູ້ຈັດການທີມຊາດເກົາຫຼີໃຕ້ ຊອຍ ຢັງ ອິນ ເວົ້າວ່າ ນັກເຕະຂອງເກົາຫຼີເໜືອຫຼິ້ນຄືກຳລັງເຮັດສົງຄາມ ໂດຍໃຊ້ທັງສອກ ທັງມື ແລະ ຈ້ອງໂຈມຕີຫົວເຂົ່າຂອງນັກເຕະເກົາຫຼີໃຕ້ເປັນອັນດັບແລກ ຊຶ່ງຕົນບໍ່ເຄີຍເຈີຫຍັງແບບນີ້ມາກ່ອນ

ຊອຍ ຊຶ່ງເຄີຍຫຼິ້ນໃຫ້ກັບທີມຊາດເກົາຫຼີໃຕ້ໃນບານເຕະໂລກປີ 1994 ເວົ້າວ່າ ສະມາຄົມບານເຕະເກົາຫຼີໃຕ້ ຫຼື KFA ຈະຫາລືຕໍ່ໄປວ່າ ຈະສົ່ງຄຳຮ້ອງໄປຫາຟີຟ່າຫຼືບໍ່ ເລື່ອງທີ່ເກົາຫຼີເໜືອບໍ່ອຳນວຍຄວາມສະດວກໃຫ້ກັບທີມທີ່ໄປເຢືອນ ແລະ ຢັງຫ້າມທັງສື່ມວນຊົນ ແລະ ຄົນເບິ່ງເຂົ້າສະນາມ

ຂະນະທີ່ປະທານຟີຟ່າ ຈິອັນນີ້ ອິຟາຕິໂນ່ ຊຶ່ງເຂົ້າຊົມການແຂ່ງຂັນນັດນີ້ຮ່ວມກັບເຈົ້າຫນ້າທີ່ເກົາຫຼີເໜືອປະມານ 50 ຄົນ ເວົ້າວ່າຕົນຮູ້ສຶກຜິດຫວັງຢ່າງຢິ່ງທີ່ບໍ່ເຫັນຜູ້ຄົນເຂົ້າເບີ່ງ ແລະ ບໍ່ມີການຖ່າຍທອດສົດບານເຕະນັດນີ້ໄປນອກເກົາຫຼີເໜືອ

ຢ່າງໃດກໍຕາມ ມີລາຍງານວ່າເກົາຫຼີເໜືອໄດ້ມອບແຜ່ນດີວີດີທີ່ບັນທຶກວິດີໂອການແຂ່ງຂັນໃຫ້ກັບເຈົ້າຫນ້າທີ່ເກົາຫຼີໃຕ້ ແຕ່ບໍ່ຊັດເຈນວ່າເຄືອຂ່າຍໂທລະທັດເກົາຫຼີໃຕ້ຈະນຳວິດີໂອດັ່ງໄປອອກອາກາດຫຼືບໍ່

ທັງລັດຖະບານ ແລະ ເຈົ້າຫນ້າທີ່ທີມນັກເຕະເກົາຫຼີໃຕ້ຢັງບໍ່ຮູ້ສາເຫດທີ່ເກົາຫຼີເໜືອຫ້າມນັກຂ່າວ ແລະ ຄົນເບິ່ງເຂົ້າສະນາມ ຊຶ່ງນັກວິເຄາະບາງຄົນເຊື່ອວ່າອາດເປ້ນການສະແດງຄວາມບໍ່ພໍໃຈຂອງເກົາຫຼີເໜືອ ທີ່ມີຕໍ່ທ່າທີທາງການເມືອງຂອງເກົາຫຼີໃຕ້

ຂະນະທີ່ບາງຄົນເຊື່ອວ່າ ຜູ້ນຳຄິມ ຈອງ ອຶນ ຊຶ່ງຫຼົງໃຫຼໃນກີລາຫຼາຍຊະນິດ ອາດບໍ່ຕ້ອງການໃຫ້ເກົາຫຼີເໜືອພ່າຍແພ້ເກົາຫຼີໃຕ້ຕໍ່ໜ້າຜູ້ຊົມຈຳນວນຫຼາຍໃນສະນາມ

ປະຈຸບັນ ທີມຊາດເກົາຫຼີໃຕ້ຖືກຈັດຢູ່ທີ່ 37 ຂອງໂລກ ຕາມການຈັດອັນດັບຂອງຟີຟ່າ ສ່ວນເກົາຫຼີເໜືອຢູ່ໃນອັນດັບທີ່ 113 ໂດຍຂະນະນີ້ທັງສອງທີມມີຄະແນນເທົ່າກັນທີ່ 7 ຄະແນນໃນກລຸ່ມ H ຂອງຮອບຄັດເລືອກໂຊນເອເຊຍ ຊຶ່ງມີອີກສາມທີມຮ່ວມກລຸ່ມ ຄື ເລບານອນ ເຕິເມນິດສະຖານ ແລະ ສີລັງກາ

ສຳລັບການແຂ່ງຂັນນັດຕໍ່ໄປຂອງສອງເກົາຫຼີຈະມີຂຶ້ນທີ່ Soul ໃນເດືອນມິຖຸນາ ປີໜ້າ