ສະຫະລາດຊະອານາຈັກປະກາດຈຳກັດການໃຊ້ງານ 5G ຂອງ Huawei ພາຍໃນປີ 2023 ນີ້

115
สหราชอาณาจักรประกาศจำกัดการใช้งาน 5G ของ Huawei ภายในปี 2023 นี้
18650 200525163221MB 104

ກ່ອນໜ້ານີ້ເຮົາໄດ້ເຫັນຂ່າວວ່າປະທານາທິບໍດີຂອງສະຫະລັກອາເມລິກາຢ່າງ Donald Trump ຕັດສິນໃຈປະກາດແບນເທັກໂນໂລຢີຕ່າງໆ ຂອງ Huawei ໂດຍອ້າງເຫດຜົນດ້ານຄວາມປອດໄພຂອງຂໍ້ມູນຈົນເຮັດໃຫ້ Huawei ບໍ່ສາມາດໃຊ້ງານບໍລິການຂອງທາງບໍລິສັດ Google ໄດ້ອີກຕໍ່ໄປ ແລະ ຕ້ອງເລັ່ງ ພັດທະນາແອບພິເຄຊັ່ນ ຂຶ້ນມາເພື່ອຮອງຮັບການໃຊ້ງານຂອງຜູ້ໃຊ້ ແລະ ບໍ່ພຽງແຕ່ຈະແບນການໃຊ້ງານເທັກໂນໂລຢີພຽງເທົ່ານັ້ນ ແຕ່ຢັງ ປະກາດແບນການເຮັດການຄ້າ ແລະ ການຂົນສົ່ງວັດສະດຸອຸປະກອນຕ່າງໆ ກັບ Huawei ອີກດ້ວຍ ໂດຍບັງຄັບໃຫ້ບໍລິສັດຄູ່ຄ້າເຮັດການຂໍອະນຸຍາດຂອງລັດຖະບານກ່ອນຈຶ່ງຈະສາມາດເຮັດການຄ້າລະຫວ່າງກັນໄດ້

ນອກຈາກນີ້ທາງສະຫະລັດອາເມລິກາຢັງໄດ້ກົດດັນປະເທດອື່ນໆ ໂດຍສະເພາະກັບປະເທດໃນກຸ່ມ G7 (ກຸ່ມປະເທດອຸດສາຫະກຳຊັ້ນນຳຂອງໂລກ ປະກອບໄປດ້ວຍສະຫະລັດອາເມລິກາ(USA), ສະຫະລາດຊະອານາຈັກ(UK), ແຄນນາດາ, ຝລັ່ງ, ຍີ່ປຸ່ນ, ເຢຍລະມັນ ແລະ ອິຕາລີ) ໃຫ້ຮ່ວມແບນ Huawei ເພື່ອຄວາມປອດໄພຂອງຂໍ້ມູນຂອງປະຊາກອນໃນປະເທດ

ແລະ ຫຼັງຈາກທີ່ຜະເຊີນຄວາມກົດດັນຈາກທາງສະຫະລັດອາເມລິກາມາເປັນເດືອນ ໃນທີ່ສຸດ Boris Johnson ນາຍົກລັດຖະມົນຕີຂອງສະຫະລາດຊະອານາຈັກກໍຕັດສິນໃຈອອກມາປະກາດວ່າຈະ ຈຳກັດການໃຊ້ງານເຄືອຂ່າຍ 5G ຂອງອຸປະກອນ Huawei ທັງໝົດໃນສະຫະລາດຊະອານາຈັກພາຍໃນປີ 2023 ທີ່ຈະເຖິງນີ້

ຊຶ່ງສຳລັບສະຖານະການນີ້ Victor Zhang ຮອງປະທານບໍລິສັດ Huawei ກໍໄດ້ອອກມາເວົ້າວ່າການຕັດສິນໃຈຂອງສະຫະລາດຊະອານາຈັກໃນເທື່ອນີ້ຄ່ອນຂ້າງ “ບໍ່ສົມເຫດສົມຜົນ” ແລະ ຊີ້ວ່າທາງສະຫະລາດຊະອານາຈັກບໍ່ຄວນທີ່ຈະປິດກັ້ນການໃຊ້ງານ “ເທັກໂນໂລຢີທີ່ດີທີ່ສຸດທີ່ເປັນທັງທາງເລືອກໃໝ່ ແລະ ນະວັດກຳໃໝ່ໆ ຈາກທາງຜູ້ຜະລິດ”

ຢ່າງໃດກໍຕາມ ການຕັດສິນໃຈໃນເທື່ອນີ້ໜ້າຈະເຮັດໃຫ້ທັງບໍລິສັດໂທລະຄົມມະນາຄົມ ແລະ ລັດຖະບານຂອງສະຫະລາດຊະອານາຈັກເຈັບຫົວຢູ່ບໍ່ນ້ອຍ ເພາະມີການຄາດການວ່າ Huawei ໜ້າຈະມີສ່ວນແບ່ງຕະຫຼາດຢູ່ທີ່ 35 ເປີເຊັນ ຫຼື ຄິດເປັນຈຳນວນເງີນໄດ້ປະມານ 500 ລ້ານຢູໂຣ ດັ່ງນັ້ນການຈຳກັດການໃຊ້ງານ Huawei ອອກໄປກໍໜ້າຈະເຮັດໃຫ້ຕ້ອງຄວັກຊີ້ນມາຊົດເຊຍໃນສ່ວນນີ້

ຂໍ້ມູນຈາກ : www.engadget.com , www.theverge.com , www.telegraph.co.uk