'ສີ ຈິ້ນຜິງ' ໜຸນຈັດຕັ້ງທີມອິດສະຫຼະສືບສວນຕົ້ນຕໍໂຄໂຣນາໄວຣັດ

96
'สี จิ้นผิง' หนุนจัดตั้งทีมอิสระสืบสวนต้นตอโคโรนาไวรัส
8985cdb5 53a5 45ef bc64 ae27dbdf5f13 w1200 r1

'ສີ ຈິ້ນຜິງ' ໜຸນຈັດຕັ້ງທີມອິດສະຫຼະສືບສວນຕົ້ນຕໍໂຄໂຣນາໄວຣັດ

ປະທານາທິບໍດີຈີນ ສີ ຈິ້ນຜິງ ກ່າວສະໜັບສະໜູນໃຫ້ມີການຈັດຕັ້ງຄະນະສືບສວນອິດສະຫຼະຂຶ້ນມາເພື່ອກວດສອບແຫຼ່ງທີ່ມາຂອງໂຄໂລນາໄວລັດສາຍພັນໃໝ່ທີ່ລະບາດໄປທົ່ວໂລກ

ປະທານາທິບໍດີຈີນກ່າວໃນທີ່ປະຊຸມຄະນະກຳມະການອະນາໄມໂລກຜ່ານລະບົບວິດີໂອຄອນເຟີເລນໃນວັນຈັນ ໂດຍຢືນຢັນວ່າຈີນສະໜັບສະໜູນໃຫ້ມີການກວດສອບຕົ້ນຕໍຂອງໂຄວິດ-19 ຢ່າງກວ້າງຂວາງ ແລະ ຄອບຄຸມ ແຕ່ຕ້ອງເກີດຂຶ້ນຫຼັງຈາກທີ່ສາມາດຄວບຄຸມສະຖານນະການການລະບາດໃຫຍ່ນີ້ໄດ້ແລ້ວເທົ່ານັ້ນ

ປະທານາທິບໍດີສີ ປະກາດດ້ວຍວ່າ ຈີນຈະບໍລິຈາກເງີນ 2,000 ລ້ານດອນລ່າ ເພື່ອຕໍ່ສູ້ກັບໂຄວິດ-19 ໃນຊ່ວງສອງປີຂ້າງໜ້າ ໂດຍສະເພາະໃນປະເທດກຳລັງພັດທະນາທົ່ວໂລກ

ກ່ອນໜ້ານີ້ ສະຫະພາບຢຸໂລບໄດ້ຮ່າງມະຕິຮຽກຮ້ອງໃຫ້ມີການສືບສວນທີ່ມາຂອງການລະບາດໃຫຍ່ເທື່ອນີ້ ຊຶ່ງຄາດວ່າຈະໄດ້ຮັບການຮັບຮອງພາຍໃນອາທິດນີ້

ເຊື້ອໂຄໂລນາໄວລັດສາຍພັນໃໝ່ຖືກພົບເທື່ອແລກທີ່ເມືອງອູ່ຮັ່ນ ປະເທດຈີນ ໃນທ້າຍເດືອນທັນວາ ກ່ອນທີ່ຈະແພ່ລະບາດໄປທົ່ວໂລກ ເຮັດໃຫ້ມີຜູ້ຕິດເຊື້ອກວ່າ 4 ລ້ານ 7 ແສນຄົນ ແລະ ເສຍຊີວິດຫຼາຍກວ່າ 315,000 ຄົນ

ປະທານາທິບໍດີ ໂດນັນ ທ້ຳ ມັກກ່າວຫາຈີນວ່າເປັນຕົ້ນຕໍການລະບາດຂອງເຊື້ອໂຄໂລນາໄວລັດນີ້ ພ້ອມປະກາດລະງັບເງີນຊ່ວຍເຫຼືອທີ່ໃຫ້ແກ່ອົງການອະນາໄມໂລກ ໂດຍອ້າງເຫດຜົນວ່າ ເອນອຽງເຂົ້າຂ້າງຈີນມາເກີນໄປ