ງານວິໄຈຊີ້ 'ບຸກຂະລາກອນທາງການແພດ' ສ່ຽງຊີວິດທັງລະຫວ່າງເຮັດວຽກແລະຫຼັງເລີກງານ

89
งานวิจัยชี้ 'บุคลากรทางการแพทย์' เสี่ยงชีวิตทั้งระหว่างทำงานและหลังเลิกงาน
F93BCFC0 CBF2 4B7C 84B2 C99623C47728 cx0 cy6 cw0 w1200 r1

ງານວິໄຈຊີ້ 'ບຸກຂະລາກອນທາງການແພດ' ສ່ຽງຊີວິດທັງລະຫວ່າງເຮັດວຽກແລະຫຼັງເລີກງານ

ທຸກຄືນເວລາ 7 ໂມງແລງຊາວນິວຢອກຈະຕ້ອງອອກຈາກບ້ານເພື່ອໄປສົ່ງສຽງເຊຍຄະນະແພດໝໍທີ່ຮັກສາຜູ້ປ່ວຍຕິດເຊື້ອໂຄໂຣນາໄວຣັດ ພ້ອມກັບສຽງແກຈາກລົດແລະສຽງຂອງລົດຕຳຫຼວດທີ່ຊ່ວຍສົ່ງກຳລັງໃຈຢູ່ໃນບໍລິເວນນັ້ນ

ຮ້ານອາຫານໃນນະຄອນນິວຢອກບາງແຫ່ງເຮັດອາຫານລ້ຽງຄະນະແພດ ແລະ ແພດໝໍທີ່ເຮັດວຽກຕາມໂຮງໝໍຕ່າງໆ ໃນຕັວເມືອງ

ເມື່ອອາທິດທີ່ແລ້ວ ຍົນທະຫານຂອງສະຫະລັດ ບິນໄປທົ່ວນະຄອນນິວຢອກແລະເມືອງອື່ນໆ ເພື່ອສະແດງຄວາມຂອບໃຈຕໍ່ບັນດາບຸກຂະລາກອນທີ່ເຮັດວຽກດ້ານການດູແລຮັກສາສຸກຂະພາບ

ແຕ່ເຖິງວ່າຈະມີການສະແດງຄວາມຂອບໃຈເຫຼົ່ານີ້ ແຕ່ກໍຍັງມີລາຍງານການໃສ່ຮ້າຍບຸກຂະລາກອນທາງການແພດ ຊຶ່ງເປັນເລື່ອງທີ່ນ່າປະຫຼາດໃຈ
ອົງການອະນາໄມໂລກ ຫຼື WHO ແລະ ເຈົ້າຫນ້າທີ່ການແພດໝໍລະດັບສູງ ຕ່າງອອກມາຮຽກຮ້ອງໃຫ້ປະເທດຕ່າງໆ ປົກປ້ອງແພດໝໍ ແລະ ເຈົ້ກການໂຈາຫນ້າທີ່ສາທາລະນະສຸກຈາກການໂຈມຕີທັງທາງກາຍ ແລະ ທາງວາຈາ ໂດຍຊີ້ວ່າ ຍິງຊາຍເຫຼົ່ານີ້ຕ່າງເສຍສະລະຊີວິດຂອງພວກເຂົາເພື່ອຕໍ່ສູ້ກັບການແພ່ລະບາດຂອງໂຄໂຣນາໄວຣັດໃນທຸກໆມື້

Howard Catton ຜູ້ອຳນວຍການສະພາແພດໝໍລະຫວ່າງປະເທດ ກ່າວກັບນັກຂ່າວໃນອາທິດທີ່ແລ້ວວ່າ ມີລາຍງານການເສຍຊີວິດຂອງບຸກຂະລາກອນທາງການແພດຈາກການຕິດເຊື້ອໂຄວິດ-19 ປະມານ 100 ຄົນ

ແມ້ກະທັ່ງກ່ອນທີ່ຈະມີການແພ່ລະບາດຂອງໂຄໂຣນາໄວຣັດ ວຽກຂອງບຸກຂະລາກອນທາງການແພດກໍເປັນວຽກທີ່ຍາກຢູ່ແລ້ວ ໂດຍປະຈຸບັນປະຊາກອນໂລກປະມານ 28 ລ້ານຄົນເຮັດອາຊີບແພດໝໍ ຊຶ່ງຄິດເປັນ 59% ຂອງບຸກຂະລາກອນສາທາລະນະສຸກທົ່ວໂລກ

ໃນອາທິດທີ່ແລ້ວ ເຈົ້າຫນ້າທີ່ຂອງອົງການອະນາໄມໂລກ ໂຄງການ Nursing Now ແລະ ສະພາແພດໝໍລະຫວ່າງປະເທດ ໄດ້ເຜີຍແຜ່ລາຍງານ “State of the World’s Nursing Report” ສະບັບທຳອິດ ທີ່ລະບຸວ່າມີແພດໝໍບໍ່ພຽງພໍໃນຫຼາຍພື້ນທີ່ ແລະການຂາດແຄລນແພດໝໍນັ້ນສ່ວນໃຫຍ່ຢູ່ໃນປະເທດທີ່ມີລາຍໄດ້ນ້ອຍເຖິງປານກລາງ ຈຳນວນແພດໝໍໃໝ່ກໍບໍ່ສອດຄ້ອງກັບຄວາມຕ້ອງການໃນຫຼາຍປະເທດ ໂດຍສະເພາະບາງປະເທດທີ່ມີແພດໝໍຈຳນວນຫຼາຍໃກ້ເຖິງໄວກະສຽນອາຍຸ

ໃນລາຍງານຢັງຄາດການໄວ້ວ່າຈະຕ້ອງໃຊ້ຄົນເຮັດວຽກດ້ານນີ້ເພີ່ມຂຶ້ນ 8% ໃນແຕ່ລະປີ ນອກຈາກນີ້ລາຍງານຢັງລະບຸວ່າ ການຂາດແຄນແພດໝໍເປັນບັນຫາຂອງຫຼາຍພື້ນທີ່ໃນແອບຟຣິກາ ອັຟການິດສະຖານ ປາກີສະຖານ ເຢເມນ ແລະ ເວເນຊຸເອລາ

ເຖິງວ່າແພດໝໍຈະເປັນບຸກຂະລາກອນທີ່ເຮັດວຽກດ້ານສຸກຂະພາບທີ່ມີຈຳນວນຫຼາຍທີ່ສຸດ ແຕ່ມັກຈະຖືກເບີ່ງຂ້າມ ຫຼື ບໍ່ເຫັນຄຸນຄ່າ ກໍ່ຄື 90% ຂອງຄົນເຮັດອາຊີບແພດໝໍເປັນເພດຍິງ ແລະ ພວກທ່ານມັກຈະຕົກເປັນເຢື່ອຂອງການເລືອກປະຕິບັດໃນທີ່ເຮັດວຽກ

ແລະຄວາມຈິງທີ່ນ່າປະຫຼາດໃຈຢ່າງໜຶ່ງກໍຄື ມີພຽງ 37% ຂອງປະເທດທົ່ວໂລກທີ່ລາຍງານວ່າມີມາດຕະການປ້ອງກັນການໃສ່ຮ້າຍບຸກຂະລາກອນທາງການແພດ

ແພດໝໍບາງຄົນຖືກໃສ່ຮ້າຍໃນຊ່ວງວິກິດໂຄວິດ-19 ເພາະຄົນຢ້ານການຕິດເຊື້ອ ແພດໝໍໃນເມັກຊິໂກລາຍງານວ່າມີການໂຢນນ້ຳປະສົມກັບຄໍລີນໃສ່ນາງໃນຂະນະທີ່ຍ່າງກັບບ້ານ

Howard Catton ແຫ່ງສະພາແພດໝໍລະຫວ່າງປະເທດ ກ່າວວ່າ ມີລາຍງານຈາກທົ່ວໂລກກ່ຽວກັບການໃສ່ຮ້າຍເຈົ້າຫນ້າທີ່ສາທາລະນະສຸກ ຊຶ່ງເປັນເລື່ອງທີ່ບໍ່ຄວນຈະເກີດຂຶ້ນ ພວກເຂົາຮຽກຮ້ອງໃຫ້ລັດຖະບານຂອງປະເທດຕ່າງໆ ດຳເນີນການເພື່ອຍັບຍັ້ງການກະທຳດັ່ງກ່າວ