ແອບເປີນ-ກູເກີນ ຫ້າມ 'ແອບຕ້ານໂຄວິດ' ເຂົ້າເຖິງຂໍ້ມູນ 'ຈີພີເອດ' ຂອງຜູ້ໃຊ້

83
ແອບເປີນ-ກູເກີນ ຫ້າມ 'ແອບຕ້ານໂຄວິດ' ເຂົ້າເຖິງຂໍ້ມູນ 'ຈີພີເອດ' ຂອງຜູ້ໃຊ້
d2633b24 9e59 433c 9c64 d9a32f991624 w800 h450

ແອບເປີນ-ກູເກີນ ຫ້າມ 'ແອບຕ້ານໂຄວິດ' ເຂົ້າເຖິງຂໍ້ມູນ 'ຈີພີເອດ' ຂອງຜູ້ໃຊ້

ບໍລິສັດແອບເປີນ ແລະ ກູເກີນ ກ່າວມື້ວັນຈັນວ່າ ຈະຫ້າມການໃຊ້ລະບົບລະບຸພິກັດຕຳແໜ່ງຂອງສະຖານທີ່ ໃນແອບທີ່ໃຊ້ຊອບແວທີ່ທັງສອງບໍລິສັດພັດທະນາຂຶ້ນເພື່ອເກັບຂໍ້ມູນການຕິດຕໍ່ແລະການເຂົ້າໃກ້ບຸກຄົນອື່ນຂອງຜູ້ໃຊ້ສະມາດໂຟນ

ແອບເປີນ ແລະ ກູເກີນ ພັດທະນາຊອບແວດັ່ງກ່າວ ເພື່ອຊ່ວຍຢັບຢັ້ງການແພ່ລະບາດຂອງໂຄໂລນາໄວຣັດ ເພາະຊອບແວສາມາດເກັບຂໍ້ມູນຂອງຜູ້ໃຊ້ທີ່ເຂົ້າໃກ້ຜູ້ທີ່ມີເຊື້ອດັ່ງກ່າວ

ສຳນັກຂ່າວຮອຍເຕີຣ໌ລາຍງານວ່າ ທັງສອງບໍລິສັດກຳນົດວ່າຜູ້ທີ່ຈະເຂົ້າເຖິງຂໍ້ມູນດັ່ງກ່າວຈະເປັນພຽງ ເຈົ້າຫນ້າທີ່ດ້ານສາທາລະນະສຸກເທົ່ານັ້ນ ໂດຍໃຫ້ຄວາມສຳຄັນກັບຄວາມເປັນສ່ວນຕັວຂອງຜູ້ໃຊ້ສະມາດໂຟນ

ເຖິງວ່າລະບົບຈະໃຊ້ຂໍ້ມູນຈາກສັນຍານບູທູດ ແລະ ບໍ່ແມ່ນສັນຍານລະບຸພິກັດຕຳແໜ່ງ ຈີພີເອດ ແຕ່ຜູ້ຊ່ຽວຊານຫຼາຍຄົນໃນສະຫະລັດ ບອກກັບຮອຍເຕີຣ໌ວ່າ ການເຮັດວຽກຂອງລະບົບຕິດຕາມຕຳແໜ່ງ ຈະປະສົບຜົນຢ່າງມີໄນສຳຄັນ ເມື່ອຊອບແວໃຊ້ຂໍ້ມູນຈີພີເອດດ້ວຍ

ແລະເມື່ອແອບເປີນ ແລະ ກູເກີນກ່າວວ່າຈະບໍ່ໃຊ້ຂໍ້ມູນຈີພີເອດຂອງຜູ້ໃຊ້ ເຈົ້າຫນ້າທີ່ຈະຕ້ອງໃຊ້ຂໍ້ມູນທີ່ມາຈາກບູທູດເທົ່ານັ້ນ ຊຶ່ງການໃຊ້ງານຢັງຫວັງຜົນທີ່ເເນ່ນອນບໍ່ໄດ້ເທົ່າໃດ ຕາມລາຍງານຂອງຮອຍເຕີຣ໌