'ໂຟຕີ້ໄນນ໌ເນີຣ໌ vs ຊີຟສ໌' ຄວ້າປີ້ເຂົ້າຊິງ "super bowl 54" ຫຼັງຖະລົ່ມຄູ່ແຂ່ງຂາດຮອຍ!

91
'โฟร์ตี้ไนน์เนอร์ vs ชีฟส์' คว้าตั๋ว "ซูเปอร์โบล์ว 54" หลังถล่มคู่แข่งขาดลอย!
59134f51 6507 4ab8 abf0 d0b21679f0fd w1200 r1

'ໂຟຕີ້ໄນນ໌ເນີຣ໌ vs ຊີຟສ໌' ຄວ້າປີ້ເຂົ້າຊິງ "super bowl 54" ຫຼັງຖະລົ່ມຄູ່ແຂ່ງຂາດຮອຍ!

ການແຂ່ງຂັນ super bowl ເທື່ອທີ່ 54 ຊຶ່ງເປັນການແຂ່ງຂັນກີລາລາຍການໃຫຍ່ທີ່ສຸດໃນຮອບປີຂອງຄົນອາເມລິກາ ໄດ້ຄູ່ຊິງທີ່ສົມນ້ຳສົມເນື້ອແລ້ວຄື ທີມຊານຟານຊິດໂກ ໂຟຕີ້ໄນນ໌ເນີຣ໌ (San Francisco 49ers) ແຊ້ມຂອງຝັ່ງ NFC ແລະ ທີມແຄນຊັດ ຊິຕີ້ ຊີຟສ໌ (Kansas City Chiefs) ແຊ້ມຂອງຝັ່ງ AFC

ໂດຍໃນວັນອາທິດທີ່ຜ່ານມາ ແຄນຊັດ ຊິຕີ້ ຊີຟສ໌ ເປີດບ້ານໄລ່ອັດຄູ່ຊິງແຊ້ມ AFC ທີມເທນເນດຊີ ໄທທັນສ໌ (Tennessee Titans) 35-24 ຄວ້າແຊ້ມຂອງສາຍ AFC ແລະ ເຂົ້າຊິງ super bowl ເປັນເທື່ອແຮກໃນຮອບ 50 ປີ

ສ່ວນໃນສາຍ NFC ຊານຟຣານຊິດໂກ ໂຟຕີ້ໄນນ໌ເນີຣ໌ ເປີດບ້ານເອົາຊະນະທີມ ກຣີນເບຢ໌ ແພກເກີ (Green Bay Packers) 37-20 ໃນຊ່ວງດຶກມື້ອາທິດເຊັ່ນກັນ

ທີ່ຜ່ານມາ ຊານຟານຊິດໂກ ໂຟຕີ້ໄນນ໌ເນີຣ໌ ຄວ້າແຊ້ມ super bowl ມາແລ້ວ 5 ສະໄໝ ໂດຍເຂົ້າຊິງມາແລ້ວ 6 ເທື່ອ ເທື່ອລ່າສຸດຄືປີ 2012

ສ່ວນ ແຄນຊັດ ຊິຕີ້ ຊີຟສ໌ ເຂົ້າຊິງ super bowl ມາແລ້ວ 3 ເທື່ອໃນຊ່ວງທົດສະວັດທີ່ 60 ແລະ ຄວ້າແຊ້ມໄດ້ເທື່ອດຽວໃນປີ 1969

ທັງສອງທີມຖືເປັນທີມທີ່ເນັ້ນເກມບຸກ ດັງນັ້ນຜູ້ທາງຈັດຈຶ່ງເຊື່ອກັນວ່າ super bowl ເທື່ອນີ້ຈະມີການເຮັດຄະແນນຢ່າງຖະລົ່ມທະລາຍ

ການແຂ່ງຂັນ super bowl ເທື່ອທີ່ 54 ຈະມີຂຶ້ນທີ່ເມືອງໄມອາມີ ຣັດຟໍລິດ່າ ໃນວັນທີ 2 ກຸມພານີ້ ໂດຍມີສອງນັກຮ້ອງຍິງ ເຈນນິເຟີຣ໌ ໂລເປຊ ແລະ ຊາກີຣ່າ ມາໃຫ້ຄວາມບັນເທີງໃນຊ່ວງພັກເຄີ່ງເວລາ ຫລື Halftime Show

ສຳລັບຄ່າໂຄສະນາທາງໂທລະທັດໃນ super bowl ປີນີ້ ຢູ່ທີ່ລະດັບ 5 ລ້ານດອນລາຕໍ່ 30 ວິນາທີ ແລະ ຄາດວ່າຈະມີຜູ້ຊົມກວ່າ 100 ລ້ານຄົນໃນອາເມຣິກາ