ສົງຄາມການຄ້າຈີນ – ສະຫາລັດ ເຮັດໃຫ້ Apple ເລີ່ມຍ້າຍໂຮງງານຜະລິດ AirPods Pro ຈາກຈີນໄປຫວຽດນາມ

169
สงครามการค้าสหรัฐ-จีน ทำ Apple เริ่มย้ายโรงงานผลิต AirPods Pro จากจีนไปเวียดนาม
18648 2005251342356A 106

ສື່ຕ່າງປະເທດຄາດການວ່າ Apple ກຳລັງຕຽມທີ່ຈະເລີ່ມຍ້າຍຖານການຜະລິດສິນຄ້າອິເລັກໂທນິກຈາກຈີນໄປຫວຽດນາມ ຫຼັງຈາກເກີດເຫດການໂຄວິດ-19 ລວມເຖິງຜົນກະທົບຈາກສົງຄາມການຄ້າເທັກໂນໂລຢີລະຫວ່າງ ສະຫາລັດອາເມຣິກາ ກັບ ຈີນ ຊຶ່ງມີນັກຂ່າວ ແລະ ຜູ້ໃຊ້ທະວິດເຕີ່ບາງສ່ວນໃນຕ່າງປະເທດ ພົບຂໍ້ຄວາມເທິງເຄດ AirPods Pro ປ່ຽນໄປຈາກ “Assembled in China” ເປັນ “Assembled in Vietnam” ຊຶ່ງກໍຄືຜະລິດໃນຫວຽດນາມແທນແລ້ວນັ້ນເອງ

ສົງຄາມການຄ້າຈີນ – ສະຫາລັດ ເຮັດໃຫ້ Apple ເລີ່ມຍ້າຍໂຮງງານຜະລິດ AirPods Pro ຈາກຈີນໄປຫວຽດນາມ
ຮູບຈາກ https://www.theverge.com/2020/5/21/21266574/apple-airpods-pro-vietnam-china-chinese-manufacturing

ກ່ອນໜ້ານີ້ເຮົາຮູ້ກັນດີວ່າສະຫາລັດ ພະຍາຍາມໂຈມຕີຈີນໃນເລື່ອງການຄ້າມາໂດຍຕະຫຼອດ ໂດຍສະເພາະເລື່ອງເທັກໂນໂລຢີທີ່ມີການສັ່ງຫ້າມບໍ່ໃຫ້ບໍລິສັດສັນຊາດອາເມລິກາ ເຮັດການຄ້າ ຫຼື ໃຊ້ເທັກໂນໂລຢີຂອງຈີນ ແລະ ລ່າສຸດກໍມີການຫ້າມບໍລິສັດຕ່າງໆ ສົ່ງວັດສະດຸສຳລັບຜະລິດຊິບເຊັດສະມາດໂຟນໃຫ້ Huawei ໂດຍບໍ່ໄດ້ຮັບອະນຸຍາດຈາກລັດຖະບານ ເພື່ອສ້າງແຮງກົດດັນໃຫ້ລັດຖະບານຈີນ ຈົນທາງລັດຖະບານຈີນຕ້ອງອອກມາຕອບໂຕ້ຄືນ

ແນ່ນອນວ່າການຕອບໂຕ້ຂອງຈີນ ມຸ້ງເປົ້າໄປທີ່ບໍລິສັດສັນຊາດອາເມລິກາ ຊຶ່ງໜຶ່ງໃນນັ້ນກໍຄື Apple ເພາະມີຖານຜະລິດໃຫຍ່ຢູ່ໃນປະເທດຈີນ ຊຶ່ງຄວາມຮຸນແຮງຂອງການຕອບໂຕ້ ສ້າງຜົນກະທົບໃຫ້ກັບ Apple ເປັນຢ່າງຫຼາຍ ໂດຍສະເພາະເລື່ອງຂອງການເພີ່ມພາສີຜະລິດຕະພັນ ແລະ ການນຳເຂົ້າຊິ້ນສ່ວນປະກອບ ດ້ວຍເຫດນັ້ນເອງຈຶ່ງເຮັດໃຫ້ Tim Cook ຊີອີໂອຂອງ Apple ພະຍາຍາມຊອກລົງທືນໃນປະເທດອື່ນເພື່ອໜີຜົນກະທົບທີ່ຈະຕາມມາຫຼັງຈາກນີ້

ຈົນເຖິງຕອນນີ້ຍັງບໍ່ມີການຢືນຢັນວ່າ Apple ຈະຢ້າຍຖານການຜະລິດສິນຄ້າໃນປະເທດຈີນທັງໝົດໄປວຽດນາມເລຍ ຫຼື ບໍ່ ແຕ່ພົບວ່າໃນວັນອັງຄານທີ່ແລ້ວ (19 ພຶດສະພາ 2020) ບໍລິສັດມີການສັ່ງຜະລິດ AirPods Pro ທີ່ໂຮງງານໃນຫວຽດນາມໂດຍບໍ່ໄດ້ແຈ້ງລ່ວງໜ້າ ຊຶ່ງເປັນຊ່ວງເວລາໄລ່ເລ່ຍກັບຂ່າວການໂຕ້ຕອບລະຫວ່າງຈີນ ແລະ ສະຫາລັດ ຈຶ່ງວິເຄາະໄດ້ວ່າ Apple ໜ້າຈະຍ້າຍໂຮງງານຜະລິດ AirPods Pro ບາງສ່ວນໄປຫວຽດນາມແລ້ວ ຊຶ່ງບໍ່ຮູ້ວ່າສິນຄ້າອື່ນໆ ຈະມີແຜນຕໍ່ໄປຢ່າງໃດ ແລະ ເຮົາຄົງຕ້ອງຕິດຕາມກັນຕໍ່ໄປ

ຂໍ້ມູນຈາກ : www.theverge.com