ເພື່ອຄຸນນະພາບຊີວິດຂອງເຫຼົ່າຜູ້ພິການ Google ເປີດຕົວ Action Blocks ແລະ ອັບເດດແອບໃນ Android

69
เพื่อคุณภาพชีวิตของเหล่าผู้พิการ Google เปิดตัว Action Blocks และอัปเดตแอปใน Android
1590235247 18641 20052216485811 106

ເນື່ອງໃນວັນ “Global Accessibility Awareness Day” ຫຼື ວັນຄຳນຶງຖຶງຄຸນນະພາບຊີວິດຄົນພິການໂລກ ຊຶ່ງປີນີ້ກົງກັບວັນທີ 21 ພຶດສະພາ Google ໄດ້ປະກາດອັບເດດຟີເຈີ່ໃນແອບພິເຄຊັ່ນຕ່າງໆ ພ້ອມເປີດຕົວແອບພິເຄຊັ່ນໃໝ່ສຳລັບ Android ທີ່ຊ່ວຍໃຫ້ຜູ້ພິການສາມາດໃຊ້ເທັກໂນໂລຢີໃໝ່ນີ້ເປັນຕົວຊ່ວຍຕ່າງໆ ໃນເລື່ອງຂອງການດຳເນີນຊີວິດໄດ້

ໂດຍແອບພິເຄຊັ່ນທີ່ເປີດຕົວໃໝ່ ມີຊື່ວ່າ Action Blocks ທີ່ສາມາດດາວໂຫຼດເທິງ PlayStore ແລະ ໃຊ້ງານໄດ້ກັບລະບົບ Android ເວີຊັ່ນ 5.0 ຂຶ້ນໄປ ຊຶ່ງຄຸນສົມບັດຂອງແອບພິເຄຊັ່ນນີ້ຈະສາມາດຊ່ວຍໃຫ້ເຮົາສ້າງປຸ່ມໄອຄອນຂະໜາດໃຫຍ່ເທິງໜ້າຈໍ Home Screen ຂອງສະມາດໂຟນໄດ້ ໂດຍປະໂຫຍດຂອງປຸ່ມໄອຄອນເຫຼົ່ານີ້ມີໄວ້ເພື່ອໃຊ້ເປັນທາງລັດ ໃຫ້ຜູ້ພິການທາງສະຕິປັນຍາກົດຄລິກທີ່ປຸ່ມເທື່ອດຽວ ແລະ ເຊື່ອມໄປຢັງແອບພິເຄຊັ່ນທີ່ຕ້ອງການໄດ້ທັນທີເລີຍ

ເພື່ອຄຸນນະພາບຊີວິດຂອງເຫຼົ່າຜູ້ພິການ Google ເປີດຕົວ Action Blocks ແລະ ອັບເດດແອບໃນ Android
ຮູບຈາກ https://www.blog.google/products/android/accessibility-updates-help-tech-work-everyone/

ຊຶ່ງຜູ້ປົກຄອງ ຫຼື ຜູ້ເບິ່ງແຍງທີ່ຕ້ອງການສ້າງປຸ່ມໄອຄອນສາມາດເຂົ້າໄປຕັ້ງຄ່າໄດ້ໃນ Google Assistant ພໍສ້າງສຳເລັດແລ້ວ ສາມາດບັນທຶກໄວ້ເທິງໜ້າຈໍ Home Sceen ໄດ້ເລີຍ ບາດນີ້ຜູ້ທີ່່ຢູ່ໃນຄວາມເບິ່ງແຍງຂອງທ່ານກໍຈະໄດ້ກົດຄລິກທີ່ໄອຄອນ ແລະ ໃຊ້ຟັງຊັນຕ່າງໆ ໃນສມາດໂຟນໄດ້ເລີຍບໍ່ຕ້ອງຫາເອງ ເຊັ່ນ ປຸ່ມແລກເປັນໄອຄອນໂທຫາຜູ້ປົກຄອງ ປຸ່ມສອງເປັນໄອຄອນເປີດເພງ ປຸ່ມຕໍ່ໄປເຂົ້າ Youtube ອີຫຍັງປະມານນີ້ເປັນຕົ້ນ

ນັບວ່າ Action Blocks ໜ້າຈະເປັນຕົວຊ່ວຍທີ່ສຳຄັນ ແລະ ມີປະໂຫຍດຫຼາຍສຳລັບຜູ້ບົກຜ່ອງທາງສະຕິປັນຍາ ນອກຈາກຈະໃຊ້ໃນເລື່ອງເຫຼົ່ານີ້ແລ້ວ Google ຢັງບອກດ້ວຍວ່າເຮົາສາມາດຕັ້ງຄ່າ ແລະ ສ້າງປຸ່ມເຊື່ອມຕໍ່ກັບເທກໂນໂລຢີໃນບ້ານໄດ້ຄືກັນ ເຊັ່ນສັ່ງໃຫ້ປິດໄຟທັງບ້ານ ຖ້າບ້ານຂອງຜູ້ໃຊ້ມີເທກໂນໂລຍີ່ IoT ທີ່ຮອງຮັບນັ້ນເອງ

ຕໍ່ໄປໃນສ່ວນຂອງຟີເຈີທີ່ ໄດ້ຮັບການອັບເດດໃໝ່ ກໍຈະປະກອບໄປດ້ວຍ Live Transcribe ແລະ Sound Amplifier ຊຶ່ງທັງ 2 ແອບພິເຄຊັ່ນນີ້ເຄີຍຖືກປ່ອຍມາເມື່ອປີທີ່ແລ້ວ ເປັນແອບພິເຄຊັ່ນທີ່ອອກແບບມາເພື່ອຊ່ວຍຜູ້ພິການໃນເລື່ອງຕ່າງໆ ເຊັ່ນກັນ

ເພື່ອຄຸນນະພາບຊີວິດຂອງເຫຼົ່າຜູ້ພິການ Google ເປີດຕົວ Action Blocks ແລະ ອັບເດດແອບໃນ Android
ຮູບຈາກ https://www.cnet.com/news/googles-live-transcribe-and-sound-amplifier-aim-to-help-the-hard-of-hearing/

ໂດຍ Live Transcribe ເປັນແອບພິເຄຊັ່ນທີ່ສາມາດດາວໂຫຼດເທິງ Play Store ແລະ ໃຊ້ງານໄດ້ເທິງລະບົບ Android ເວີຊັນ 5.0 ຂຶ້ນໄປ ຊຶ່ງຈະຊ່ວຍແປງຄຳເວົ້າອອກມາເປັນຕົວຫນັງສືເທິງສະມາດໂຟນແບບຕົວຈິງ ຫຼື ລ່າສຸດທີ່ມີການເພີ່ມຟີເຈີ່ໃໝ່ເຂົ້າມາ ກໍສາມາດຊ່ວຍແປພາສາໃຫ້ແບບຕົວຈິງໄດ້ ຊຶ່ງອອກແບບມາເພື່ອຊ່ວຍເຫຼືອຜູ້ພິການທາງການໄດ້ຍິນນັ້ນເອງ ໂດຍສິ່ງທີ່ອັບເດດເພິ່ມເຕິມຕອນນີ້ ປະກອບໄປດ້ວຍ

  • ສາມາດຕັ້ງຄ່າໃຫ້ມືຖືສັ່ນເມື່ອມີຄົນໃກ້ຕົວເອີ້ນຊື່ຂອງຜູ້ພິການ ສິ່ງນີ້ຈະເຮັດໃຫ້ຜູ້ພິການຕອບສະໜອງຕໍ່ຄູ່ສົນທະນາໄດ້ໄວຂຶ້ນ
  • ສາມາດຕັ້ງຄ່າຊື່ຂອງວັດຖຸ ຫຼື ຄຳສັບ ທີ່ບໍ່ມີໃນວັດ​ຈະ​ນາ​ນຸ​ກົມໄດ້ເອງ ເຊັ່ນພວກຄຳສະແລງ ທີ່ລະບົບບໍ່ສາມາດພິມຄວາມຫມາຍໄດ້
  • ຂໍ້ມູນຕົວຫນັງສືທີ່ແປງແລ້ວ ຈະຖືກເກັບໄວ້ 3 ມື້ ເຮັດໃຫ້ຜູ້ພິການສາມາດຢ້ອນເບິ່ງໄດ້ພາຍຫຼັງ
  • ຂະຫຍາຍພາສາທີ່ລະບົບຮອງຮັບ ໄປອີກ 70 ພາສາ ເຊັ່ນ ແອນເບເນຍ, ມຽນມາ, ເອດສ໌ໂຕເນຍ, ມາຊິໂດເນຍ, ມອງໂກເລຍ ໄປຈາບ ອຸດຊ໌ເບກ ແລະອື່ນໆ

ເພື່ອຄຸນນະພາບຊີວິດຂອງເຫຼົ່າຜູ້ພິການ Google ເປີດຕົວ Action Blocks ແລະ ອັບເດດແອບໃນ Android
ຮູບຈາກ https://www.blog.google/products/android/accessibility-updates-help-tech-work-everyone/

ສ່ວນການອັບເດດແອບພິເຄຊັ່ນ Sound Amplifier ຈະເພີ່ມໃນສ່ວນຂອງການເພີ່ມຄຸນນະພາບສຽງເພງຈາກ Youtube ແລະ Podcasts ອື່ນໆ ໃຫ້ມ່ວນຫຼາຍຢິ່ງຂຶ້ນເມື່ອໃຊ້ງານຮ່ວມກັບແອບ Sound Amplifier ໂດຍການຕິດຕັ້ງຕ້ອງໃຊ້ມືຖືທີ່ອັບເດດເວີຊັນ Android 6.0 ຂຶ້ນໄປ

ແລະຖ້າໃຜທີ່ຮູ້ດີຢູ່ແລ້ວ ຈະຮູ້ວ່າແອບ Sound Amplifier ເປັນແອບທີ່ຕ້ອງໃຊ້ເຊື່ອມຕໍ່ກັບຫູຟັງ(ສາຍສະເບົ້າ) ບູທູດເທົ່ານັ້ນ ເຖິງຈະໃຊ້ງານໄດ້ ຊຶ່ງອອກແບບມາເພື່ອຊ່ວຍຜູ້ພິການທາງສາຍຕານັ້ນເອງ ຄຸນສົມບັດເດີມກໍຄືຊ່ວຍປັບລະດັບສຽງບັນຍາກາດໂດຍຮອບ ໃຫ້ຊັດເຈນ ແລະ ດັງຫຼາຍຢິ່ງຂຶ້ນ ເວລາຜູ້ພິການທາງສາຍຕາໃສ່ຍ່າງໄປໃນສະຖານທີ່ສາທາລະນະ ກໍຈະຊ່ວຍເພີ່ມໂອກາດໄດ້ຍິນສຽງ ແລະ ປ້ອງກັນໄພຮ້າຍຕ່າງໆ ທີ່ອາດເກີດຂຶ້ນໄດ້ຫຼາຍຢິ່ງຂຶ້ນ ເຊັ່ນເຮັດໃຫ້ໄດ້ຍິນສຽງລົດແລ່ນ ສຽງເຄື່ອງຈັກກໍ່ສ້າງ ເປັນຕົ້ນ

ດ້ວຍຄຸນສົມບັດທັງໝົດທີ່ກ່າວມານີ້ ນັບວ່າເປັນເທກໂນໂລຍີ່ ທີ່ຖືກສ້າງມາເພື່ອຄຸນນະພາບຊີວິດຂອງຜູ້ພິການຢ່າງແທ້ຈິງແຕ່ຢັງບໍ່ໝົດສ່ຳນີ້ ເພາະ Google ຍັງມີການອັບເດດ Google Map ໃໝ່ດ້ວຍໃນມື້ນີ້ ຊຶ່ງໄດ້ເພີ່ມໄອຄອນລົດເຂັນຜູ້ພິການໃນສະຖານທີ່ຕ່າງໆ ໂດຍຈະຊ່ວຍລະບຸຕຳແໜ່ງຂອງສະຖານທີ່ ທີ່ມີສິ່ງອຳນວຍຄວາມສະດວກຂອງຜູ້ພິການ ເຊັ່ນ ຫ້ອງນ້ຳ ບ່ອນຈອດລົດ ທາງເດີນລົດເຂັນ ເປັນຕົ້ນ

ຂໍ້ມູນຈາກ : www.theverge.com , www.blog.google , www.cnet.com , www.fred.fm