ຢ້ານເນັດລົ່ມ!! YouTube ລຸດຄວາມຄົມແຈ້ງສູ່ລະດັບ ‘ດີວີດີ’ ຊ່ວງໂຄວິດ 19 ລະບາດ

115
กลัวเน็ตล่ม!! YouTube ลดความคมชัดสู่ระดับ ‘ดีวีดี’ ช่วงโควิดระบาด
2E2AB082 C494 47EB A6EB 7879D1EED92D w800 h450

ຢ້ານເນັດລົ່ມ!! YouTube ລຸດຄວາມຄົມແຈ້ງສູ່ລະດັບ ‘ດີວີດີ’ ຊ່ວງໂຄວິດ 19 ລະບາດ

ຫຼັງຈາກທີ່ຄົນທົ່ວໂລກຕ້ອງໃຊ້ເວລາຢູ່ບ້ານຫຼາຍຂຶ້ນ ໃນລະຫວ່າງການລະບາດຂອງໂຄວິດ 19 ຄວາມຕ້ອງການເບິ່ງລາຍການຜ່ານລະບົບສະຕີມມິ່ງຈຶ່ງເພີ່ມຂຶ້ນດ້ວຍ

ປາກົດການນີ້ເຮັດໃຫ້ເກີດຄວາມກັງວົນວ່າ ເຄືອຂ່າຍອິນເຕີເນັດອາດແບກພາລະໜັກເກີນໄປ ບໍລິສັດ YouTube ຈຶ່ງປັບມາດຕະຖານຄວາມຄົມແຈ້ງຂອງການເບີ່ງຄິບເທິງແພດຟອມນີ້ ໃຫ້ຕ່ຳລົງ ທຽບໄດ້ກັບຄວາມແຈ້ງຂອງແຜ່ນດີວີດີ

ສື່ USA Today ລາຍງານວ່າ ການລຸດຄວາມຄົມແຈ້ງເທື່ອນີ້ ຈາກ 1080p ເປັນ 480p ຈະສາມາດຜ່ອນການໃຊ້ແບນດ໌ວິດທ໌ ມາເປັນ 1.1 ເມັກກາບິດ ຈາກ 5 ເມັກກາບິດ ຕໍ່ວິນາທີ

ສຳລັບຜູ້ທີ່ຕ້ອງການຄວາມຄົມແຈ້ງຫຼາຍຂຶ້ນ ສາມາດປັບໄດ້ຈາກປຸ່ມເມນູ

ຊີເອັນເອັນລາຍງານວ່າ ການປ່ຽນແປງນີ້ຂອງ YouTube ເລີ່ມຕົ້ນໃນວັນອັງຄານ ແລະ ຄາດວ່າຈະກິນເວລາ 30 ມື້

ບໍລິສັດກ່າວໃນຖະແລງການວ່າ YouTube ພະຍາຍາມເຮັດຫນ້າທີ່ຊ່ວຍລຸດລະດັບການດຶງສັນຍານອິນເຕີເນັດທີ່ໜັກໃນສະຖານນະການທີ່ບໍ່ເຄີຍເກີດຂຶ້ນມາກ່ອນ

ກ່ອນໜ້ານີ້ບໍລິສັດ YouTube ແລະ Netflix ເວົ້າວ່າຈະລຸດລະດັບຄວາມແຈ້ງຂອງລາຍການທີ່ສະຕີມຜ່ານອິນເຕີເນັດ ເພື່ອບໍ່ໃຫ້ລະບົບເຄືອຂ່າຍອິນເຕີເນັດລົ່ມ ເນື່ອງຈາກການເບີ່ງຫນັງ ແລະ ຄິບຕ່າງໆ ຂອງຄົົນທີ່ຕ້ອງຢູ່ບ້ານຊ່ວງການລະບາດຂອງໂຄວິດ 19